نهاركم سعيد شباب حبيت اشاركم بوصفه شوربه ملوخيه (خدره)معموله بكل الحب الفي الدنيا
المكونات
٢٠٠ جرام خدره مقطفه ومغسوله نضيييف
٢٠٠جرام لحمه بقري صافيه مقطعه مكعبات صغيره
٣ملاعق زيت زيتون
٤فصوص ثوم متوسطه
بهارات قرفه وعرق احمر وهبهان كلها حب زايد فلفل اسود وكزبره ديل مسحونه وبابريكا حاره سخنه
الطريقه
انا مافرمت الخدره مجرد شرحتها ناعمه علي البلنشه وخليتها علي جنب اللحمه صافيه وقطعتها مكعبات علي مويه سخنه لحد تطلع الوش الاول (الريمه) بصله متوسطه مكعبات ناعمه وقرفه عود وعرق احمر وهبهان وملح وفصين ثوم علي النار لحد استوت اللحمه بعدها طلعتها وتطلع البهارات الحب كبيت الخدره ومابتاخد وقت علي النار اديتها رشه كزبره وبابريكا حاره وفلفل وجهزت طفيه بزيت زيتون مع فصين ثوم وتاخد دقيقه ونطفيها
الاهم انها تكون زي الشوربه
اتمني تكون نالت اعجابكم وتحربوها